ເຈົ້າຄອງນະຄອນຫຼວງຢ້ຽມຢາມເຂດເສດຖະກິດສະເພາະບຶງທາດຫຼວງ

ລາຍລະອຽດ

ສ້າງຂື້ນເມື່ອ ວັນຈັນ, 28 ມີຖຸນາ 2021 06:57

ຂຽນໂດຍ ຄອຂ ນະຄອນຫຼວງ

ເຈົ້າຄອງນະຄອນຫຼວງຢ້ຽມຢາມເຂດເສດຖະກິດສະເພາະບຶງທາດຫຼວງ

     ວັນທີ 27 ມິຖຸນາ 2021 ທ່ານ ອາດສະພັງທອງ ສີພັນດອນ ເຈົ້າຄອງນະຄອນຫຼວງວຽງຈັນ ພ້ອມດ້ວຍພະແນກການກ່ຽວຂ້ອງເຄື່ອນໄຫວຢ້ຽມຢາມ ແລະ ຊຸກຍູ້ການພັດທະນາເຂດເສດຖະກິດສະເພາະບຶງທາດຫຼວງ ຢູ່ໂຮງແຮມໂປລີ ເຊິ່ງການຢ້ຽມຢາມຄັ້ງນີ້ທ່ານ ທະນົງໄຊ ຄຸດໄພທູນ ຫົວໜ້າຄະນະຄຸ້ມຄອງເຂດເສດຖະກິດພິເສດ ນະຄອນຫຼວງວຽງຈັນ ໄດ້ລາຍງານລາຍງານໂດຍສັງເຂບກ່ຽວກັບ ສະພາບການພັດທະນາ ແລະ ຄຸ້ມຄອງເຂດເສດຖະກິດພິເສດນະຄອນຫຼວງວຽງຈັນ  ໂດຍໃນໄລຍະ 6 ເດືອນຕົ້ນປີ 2021 ສາມາດດຶງດູດການລົງທຶນໄດ້ພຽງ 5 ບໍລິສັດ ເມື່ອທຽບໃສ່ຕົວເລກຄາດຄະເນປີ 2021 ປະຕິບັດໄດ້ 25%.

     ພ້ອມນັ້ນທ່ານ ນາງ ຫວງ ສິວ ເຫວີນ ຮອງປະທານບໍລິສັດ ລາວທາດຫຼວງ ລົງທຶນພັດທະນາ ຈໍາກັດ ໄດ້ລາຍງານໂດຍຫຍໍ້ກ່ຽວກັບການພັດທະນາເຂດເສດຖະກິດພິເສດບຶງທາດຫຼວງວ່າ:ໂຄງການເຂດເສດຖະກິດບຶງທາດຫຼວງໄດ້ເລີ່ມລົງມືກໍ່ສ້າງແຕ່ປີ 2012 ເປັນຕົ້ນມາ ຮອດປັດຈຸບັນການກໍ່ສ້າງພື້ນຖານໂຄງລ່າງໄດ້ສໍາເລັດໂດຍພື້ນຖານເປັນຕົ້ນ ໜອງນໍ້າໃຫຍ່ ການປັບໜ້າດິນ ສ້າງຖະໜົນຫົນທາງ ລະບົບໄຟຟ້າ ນໍ້າປະປາ ແລະ ສິ່ງອໍານວຍຄວາມສະດວກຕ່າງໆ.

      ນອກຈາກນີ້ທ່ານ ເຈົ້າຄອງນະຄອນຫຼວງວຽງຈັນຍັງໄດ້ຢ້ຽມຊົມການພັດທະນາພື້ນຖານໂຄງລ່າງອ້ອມຮອບເຂດເສດຖະກິດພິເສດບຶງທາດຫຼວງ ແລະ ໂມເດວການພັດທະນາເຂດດັ່ງກ່າວຕື່ມອີກ.

• < ຕໍ່ໄປ
• ຕໍ່ໄປ >